Tengo el corazón desfechu

TENGO EL CORAZÓN DESFECHU


Tengo el corazón desfechu
como diz dalgún cantar,
tengo una pena mui grande
y munches ganes llorar.
Ye que fai mui pocu tiempu
que pá dexióme yá,
ensin cuntar conello,
ensin pensálo enxamás.
Yera mui nuevu el probe
sesenta años y dos años ná más,
de la nuechi a la mañana
mio casa vacía tá.
Tá tamién el sellón fríu
onde él apigaciaba
cuando después de la xinta
diba-y un pitu fumaba.
Pela nuechi, hacia les doce,
cuando les mios neñes duermen,
préstame pensar nél
y cunta-y lo que me pasa,
que lu necesito muncho,
que lu echo muncho `n falta
ya que con él tá mio ma,
mio ma querida del alma.
¡Bien xoven dexástisme sola
bien sola y atristayada!
¡ Qué fría tá la mio casa!
y nun se llena con ná
por más que inténtálo faga.
¿ Ónde tá el regazu madre
onde yo m`acurrucaba?
¿Ónde tan los brazos padre
colos que tú m`abrazabas?
Llóranvos mios güeyos,
llóravos mio alma
y, si ye que hay cielu,
Dios quiera lu haiga,
da-y a Él les gracies
por habeme dao,
aunque nun duraran,
un pá tan perfeutu
y una ma tan guapa,
pos amás de bona,
mamina querida,
yeres la más guapa.

Ycíar